Цэргийн хүч хэрэглэх хувилбарыг ч орхиогүй байгаа гэж мэдэгджээ

Дэлхийд | Улс төр
172@montsame.mn
2018-05-22 08:27:10
ВАШИНГТОН. /РИА Новости/. БНАСАУ-ын цөмийн хөтөлбөртэй холбоотой асуудлыг шийдвэрлэх боломжит хувилбаруудын жагсаалтаас цэргийн хүч хэрэглэх хувилбарыг АНУ эрх баригчид хэзээ ч хасаж байгаагүй гэж АНУ-ын дэд ерөнхийлөгч Майк Пенс телевизийн Fox News сувагт ярилцлага өгөхдөө мэдэгдэв.
 
“АНУ болон Өмнөд Солонгосын цэргийн хамтарсан сургуулилттай холбоотойгоор энэ оны зургадугаар сарын 12-нд Сингапурт хийхээр товлосон хоёр талын дээд хэмжээний уулзалт тасалдсан тохиолдолд Ливид явуулсан ажиллагааны аргыг Умард Солонгост хэрэглэхийг үгүйсгэхгүй” гэж АНУ-ын Ерөнхийлөгч Дональд Трамп саяхан бас мэдэгдэж байсан билээ.
 
Гэсэн хэдий ч АНУ болон БНАСАУ дээд хэмжээний уулзалтад бэлтгэсэн хэвээр байгаа тухай Америкийн төрийн тэргүүн мэдэгдсэн юм.
 
Лу.Батбаяр

Холбоотой мэдээ