Ulaanbaatar
Нийслэлчүүд цасны баяраа Хандгайтад тэмдэглэнэ
МОНГОЛЫН МЭДЭЭ | СПОРТНийслэлийн иргэдэд амралт, чөлөөт цагаа эрүүл агаарт өнгөрүүлэх боломж олгох зорилгоор жил бүр зохион байгуулж буй “Эрүүл агаар-Рио-2016” өвлийн биеийн тамир, спортын арга хэмжээний цасны баяр энэ сарын 30-нд буюу бямба гарагт Хандгайтын “Янзага” зусланд болно.
Цасны баяраар “Нийслэлийн бүтээн байгуулалт”, “Рио 2016 олимп” зэрэг сэдвээр цасан хотхон байгуулах бичил бүтээн байгуулалтын уралдаан болно.
Мөн ажил үйлсээрээ 2015 оны “Нийслэлийн Биеийн тамир, спортын шилдэг хамтлаг”-аар шалгарсан байгууллага, хамт олонд шагнал гардуулах юм.
Нийслэлийн Засаг даргын захирамжаар баярын өмнөх амралтын өдрүүдэд 10:00–20:00 цагт автомашины сүүлийн оронгоор ялган замын хөдөлгөөнд оролцуулах зохицуулалт хийх тул нийслэлийн иргэдийг цасны баярт оролцохдоо нийтийн унаа захиалж хамт олноо идэвхтэй оролцуулахыг Нийслэлийн Биеийн тамир, спортын газраас уриалж байна.
“Өдөр тутмын биеийн тамир-Өнөөгийн нийслэлчүүдийн өнгө төрх” сэдэвт өвлийн улирлын биеийн тамир, чийрэгжүүлэлтийн үйл ажиллагааны нээлтэд Нийслэлийн ИТХ, Нийслэлийн ЗДТГ, Улаанбаатар хотын Захирагчийн ажлын алба, түүний харьяа газар, Нийслэлийн Засаг даргын хэрэгжүүлэгч агентлагууд, дүүргүүдийн ЗДТГ, харьяа байгууллагууд, Нийслэл, дүүргийн биеийн тамир, спортын газар, хороодын ажилтан, албан хаагчид оролцоно.
Ж.Болор
