Сагсан бөмбөгийн эмэгтэйчүүдийн лигийн улирлын шилдгүүд тодорлоо
МОНГОЛЫН МЭДЭЭ | СПОРТУлаанбаатар, 2025 оны хоёрдугаар сарын 3 /МОНЦАМЭ/. Монголын сагсан бөмбөгийн холбооноос зохион байгуулдаг 2024-2025 оны улирлын эмэгтэйчүүдийн лигийн хасагдах шатны тоглолтууд үргэлжилж байна.
Плей-оффт “Улаанбаатар Амазонс” багийнхан “АОДЭ М Винкс”-ийг 2:1-ээр, “Омни Хүлэгүүд”-ийн эмэгтэйчүүд “Аравт”-ыг 2:1-ээр тус тус хожиж явна. Тэгвэл өнөөдөр улирлын шилдгүүд тодорч, шагналаа гардлаа. 2024-2025 оны улирлын Үнэ цэнтэй тоглогч буюу MVP-ээр “Улаанбаатар Амазонс” багийн тоглогч Б.Ариунцэцэг тодорчээ. Тэрбээр энэ улиралд 15 тоглолтод 19 оноо, 9.7 самбар, 2.9 дамжуулалт өгч, дунджаар 49 хувьтай довтолж байгаа бөгөөд баг нь 14 хожил, нэг хожигдолтой лигийг тэргүүлсэн юм.
Харин амжилт нь ахиусан тоглогчоор энэ улиралд 8.0 оноо, 7.4
самбар, 1.1 дамжуулалт дунджилсан үзүүлэлтээр “Омни Хүлэгүүд” багийн Т.Үлэмж нэрлэжээ.
Энэ улирлын шилдгүүдийг танилцуулъя.
Үнэ цэнтэй
тоглогч: Б.Ариунцэцэг
(Улаанбаатар Амазонс)
Шилдэг шинэ
тоглогч: Б. Гэрэлмаа
(АОДЭ М Винкс)
Шилдэг зургаа
дахь тоглогч: М.Сэргэлэн
(Аравт)
Амжилт нь
ахисан тоглогч: Т.Үлэмж
(Омни Хүлэгүүд)
Шилдэг
хамгаалан тоглогч:
Б.Өнөрзаяа (Аравт)
Шилдэг легионер
тоглогч: Грэйс Берг
(Улаанбаатар Амазонс)
Шилдэг
дасгалжуулагч: Фран
Гарсиа (Улаанбаатар Амазонс)