Ulaanbaatar
Жефф Безос Венецэд хуримаа хийнэ
ДЭЛХИЙН МЭДЭЭ | НИЙГЭМ
НЬЮ-ЙОРК, 2025 оны дөрөвдүгээр сарын 4 /Kazinform/. Америкийн тэрбумтан Жефф Безос, телевизийн хөтлөгч Лорен Санчес нар Венецийн эрэгт тэрбумтны 500 сая ам.долларын үнэтэй дарвуулт онгоцон дээр хуримаа хийхээр төлөвлөж байгаа тухай "Daily Mail" сонинд бичжээ.
Хуримын ёслолд Эва Лонгориа, Кэти Перри, Орландо Блүүм, Леонардо Ди Каприо, Опра Уинфри, Барбара Стрейзанд, Крис Женнер, Ким Кардашиан зэрэг 200 орчим хүн уригджээ. Уригдсан зочдын тоо, тансаг байдлаар нь энэ ёслолыг гүнж Диана, хунтайж Чарльз нарын хуримтай зүйрлэж байна. Тэд Венецийн хамгийн тансаг, таван одтой таван зочид буудлын бүх өрөөг гурван өдрийн хугацаагаар захиалжээ. Мөн зочид буудлуудаас гадна усан таксины зогсоолыг бүхэлд нь захиалсан байна.
Харин Италийн хэвлэлийнхэн "хотыг эзлэх"-ийг зөвшөөрсөн гэж эрх баригчдыг шүүмжилжээ. Венец хотын дарга хариуд нь албан ёсны мэдэгдэл хийж "Венецийн кино наадам, дэлхийн өнцөг булан бүрээс жуулчдыг татдаг 18 хоногийн багт наадам зэрэг томоохон үйл ажиллагаануудыг зохион байгуулж байсан туршлагатай Венец хот 200 зочныг хүлээн авах боломжтой" гэжээ.
