Ц.Эрдэнэбаатар “Суурин иргэншлийн цаг” шүлгээрээ “Болор цом” хүртэв

Монголын мэдээ
bolor@montsame.mn
2016-02-03 08:59:44

Монголын зохиолчдын эвлэлээс жил бүр уламлал болгон зохиодог 33 дахь удаагийн “Болор цом” наадам өчигдөр Соёлын төв өргөөнд болж, шилдгүүдээ тодрууллаа.

 Энэ жилийн наадмын хоёрдугаар шатанд 33 найрагч шалгарснаас Г.Сэр-Одын нэрэмжит шагналт, яруу найрагч Ц.Эрдэнэбаатар “Суурин иргэншлийн цаг” шүлгээрээ наадмын эзнээр тодров. Наадмын дэд байрт “Болор цом”-ын эзэн яруу найрагч Х.Эрдэнэбаатар орсон бол яруу найрагч М.Уянсүх, О.Цэнд-Аюуш, Л.Ганзул нар айргийн тавд шалгарлаа.

Наадмын ерөнхий шүүгчээр Ардын уран зохиолч, Төрийн шагналт, СГЗ Б.Лхагвасүрэн, шүүгчээр СГЗ Ч.Хүрэлбаатар, МЗЭ-ийн шагналт, "Болор цом"-ын эзэн Г.Мөнхцэцэг, Нацагдоржийн нэрэмжит шагналт, "Болор цом"-ын эзэн Б.Галсансүх, "Болор цом"-ын эзэн яруу найрагч Л.Моломжамц нар ажилласан юм.

Ж.Болор

Холбоотой мэдээ