Улаанбаатар
АНУ “F-35” сөнөөгч онгоцны флотын үйл ажиллагааг түр зогсоожээ
ДЭЛХИЙН МЭДЭЭ | УЛС ТӨР
“F-35” сөнөөгч онгоцны хөтөлбөр нь энэ төрлийн зэвсэглэлдээ дэлхийд хамгийн үнэтэйд, томдоо тооцогддог юм.
Энэхүү хөтөлбөр хэдэн арван жил үргэлжлэх төлөвтэй байгаа бөгөөд дэлхий даяар нийт 3000 орчим ширхэг худалдаалагдана гэж тооцоолжээ. АНУ-ын Засгийн газар энэ хөтөлбөртэй холбоотой нийт зардал нэг триллион ам.долларт хүрнэ гэж тооцоолсон байна.
“F-35” сөнөөгч онгоцны түлшний хоолойг шалгах ажиллагаа явуулж байгаатай холбоотойгоор АНУ болон олон улсын түншүүд уг онгоцны нислэгийг түр цуцлаад байна гэж “F-35” хөтөлбөрийн газраас мэдэгджээ.
“Бид сөнөөгч онгоцнуудад шалгалт хийж, түлшний хоолой гэмтэлтэй байвал тэдгээрийг солино. Харин гэмтэлгүй онгоцнуудыг эргүүлэн нислэгийн горимд шилжүүлнэ. Шалгалтын ажил 24-48 цаг үргэлжилнэ” гэж мэдэгдэлд дурдлаа.
Энэхүү сөнөөгч онгоцны агаарын хяналтын самбар буюу радарт харагдах байдлыг бууруулах зорилгоор үл үзэгдэх технологийг ашигласан байна. Гурван загвартай уг сөнөөгч онгоц нь эгц дээрээс газардах боломжтой бөгөөд үнэ нь 100 сая доллар юм.
Д.Нямтулга
