Улаанбаатар
Халдашгүй байдлын дэд хорооны хуралдаан түр хойшлов
МОНГОЛЫН МЭДЭЭ | УЛС ТӨР
Улаанбаатар /МОНЦАМЭ/. УИХ-ын Халдашгүй байдлын дэд хорооны өнөөдрийн хуралдааныг түр хойшлуулсан талаар Ц.Нямдорж гишүүн мэдээлэв.
Тэрбээр, “Дэд хорооны өнөөдрийн хуралдаанаар УИХ-ын гишүүн Г.Солтан,
Л.Энхболд, Б.Ундармаа, Г.Дамба-Очир нарын бүрэн эрхийг түдгэлзүүлэх тухай
прокурорын байгууллагын саналыг хэлэлцэж эхэлсэн. Өнөөдрийн хуралдаанаар Монгол Улсын
Ерөнхий прокурор М.Энх-Амгалангийн болон Л.Энхболд, Б.Ундармаа, Г.Дамба-Очир гишүүний
мэдээллийг сонслоо. Г.Солтан гишүүн Баян-Өлгий аймагт ажиллаж байгаа. Маргааш
буюу энэ сарын 10-нд Улаанбаатар хотод ирнэ гэсэн мэдээлэл ирүүлсэн. УИХ-ын
гишүүний бүрэн эрхийн асуудлыг тухайн гишүүнийг байлцуулахгүйгээр шийдвэрлэж болохгүй. Тиймээс Г.Солтан гишүүнийг ирэх хүртэл дэд хорооны хуралдааныг түр
хойшлуулахаар боллоо” гэв.
