Энэтхэгт хуурамч согтууруулах ундаанд олон хүн хордож амиа алджээ

Дэлхийд | Нийгэм
Jargal.d@montsame.mn
2019-02-11 14:31:47

ШИНЭ ДЕЛИ. /IANS/. Энэтхэгийн хойд нутагт оршдог Уттар-Прадеш болон Уттаркханд мужид хуурамч согтууруулах ундаа хэрэглэсний улмаас гурав хоногийн дотор 97 хүн амиа алдсан тухай орон нутгийн эрх баригчид мэдээллээ.


Эрх баригчдын мэдээлснээр, хоёрдугаар сарын 7-ны орой хэд хэдэн тосгоны оршин суугчид Харидвар тойргийн Баллупур тосгонд оршуулгын ёслолд оролцож, согтууруулах ундаа хэрэглэсэн бөгөөд маргааш нь бие нь муудсан байна. Хүмүүс амиа алдсан тухай эхний мэдээллийг баасан гарагт хүлээж авсны дараа хэргийг мөрдөн шалгаж эхэлжээ.


Цагдаа нарын явуулсан шалгалтын дүнд хууль бусаар үйлдвэрлэсэн 10 мянган литр архи хураан авч, 200 гаруй хүнийг баривчилжээ. Болсон хэрэгтэй холбогдуулан хэд хэдэн албан тушаалтныг ажлаас нь халсан байна.


Холбоотой мэдээ