Венесуэлд хүмүүнлэгийн тусламж нэвтрүүлэхээр тохиролцжээ
ДЭЛХИЙН МЭДЭЭ | УЛС ТӨРКАРАКАС. /Xinhua/. Венесуэлийн тусгаар
тогтнолыг хүндэтгэх хүрээнд хүмүүнлэгийн тусламж нэвтрүүлэх талаар Олон улсын
улаан загалмай нийгэмлэгтэй /ОУУЗН/ зөвшилцөлд хүрсэн тухай тус улсын Ерөнхийлөгч
Николас Мадуро лхагва гарагийн орой мэдэгджээ.
Н.Мадуро ОУУЗН-ийн ерөнхийлөгч Петер Маурер болон ОУУЗН-ийн Америкийн бүс
нутгийг хариуцсан дарга Софие Орр нартай Каракас хотноо байрладаг “Мирафлорес”
ерөнхийлөгчийн ордонд уулзсан байна.
“Бид Венесуэлд бүх төрлийн тусламж нэвтрүүлэхийн тулд НҮБ-ын хэрэгжүүлэгч
байгууллагуудтай хамтран ажиллах талаар тохиролцоонд хүрсэн. Манай улсын
тусгаар тогтнолыг хүндэтгэсэн тохиолдолд хүмүүнлэгийн салбарын бүх төрлийн
тусламжийг нэвтрүүлэх боломжтой” гэж Н.Мадуро Венесуэлийн төв телевизээр мэдэгджээ.