АНУ-д газрын тосны экспортын хэмжээ хоёр дахин нэмэгджээ

Дэлхийд | Эдийн Засаг
ayanzaya@montsame.gov.mn
2019-04-16 14:28:12

ВАШИНГТОН. /TASS/. АНУ өнгөрсөн онд газрын тосны экспортын хэмжээгээ хоёр дахин нэмэгдүүлж, өдөрт 2 сая баррельд хүргэжээ. Энэ тухай АНУ-ын Эрчим хүчний яамны мэдээллийн газар мэдээлсэн байна.


“2018 онд газрын тосны экспортын хэмжээ өдөрт 2 сая баррель болтлоо өссөн нь 2017 оныхтой харьцуулахад бараг хоёр дахин өссөн үзүүлэлт болж байна. 2017 онд газрын тосны экспортын хэмжээ өдөрт 1.2 сая баррельд хүрч байсан” хэмээн тус мэдэгдэлд дурджээ.


Түүнчлэн АНУ өнгөрсөн онд 42 улс руу хар алт экспортолсныг Эрчим хүчний яам цохон тэмдэглэжээ.  


Түүнээс гадна АНУ-ын Хятад руу нийлүүлэх экспортын хэмжээ өдөрт 228 баррель болтлоо буурсан бол Канад болон БНСУ-руу нийлүүлэх экспортын хэмжээ нэмэгдсэн байна. Америкийн газрын тос импортлогч хамгийн том бүс нутаг нь Ази болжээ. 

Холбоотой мэдээ