Олон улсын терроризмын асуудлыг хариуцсан шинжээчдийн тусгай бүлгийг Шри-Ланка руу илгээжээ
ДЭЛХИЙН МЭДЭЭ | НИЙГЭМТОКИО. /Kyodo/. Олон улсын терроризмтай холбоотой мэдээллүүдийг цуглуулж, дүн шинжилгээ хийх зорилготой тусгай бүлгийг Японы Засгийн газар Шри-Ланка руу илгээжээ.
Энэхүү
бүлэг нь орон нутгийн тусгай албаныхантай нягт хамтран ажиллана хэмээн “Kyodo” агентлаг мэдээлэв. Тус бүлэг нь Японы сайд нарын
танхимын тамгын газрын шинжээчдээс бүрджээ.
Шри-Ланкад болсон дэлбэрэлтийн улмаас Японы нэг иргэн амь үрэгдэж, дөрвөн
хүн бэртсэн тухай Японы Гадаад хэргийн сайд Таро Коно өмнө нь мэдэгдсэн байна.
Түүнчлэн Шри-Ланкад болсон террорист халдлагуудыг Японы Ерөнхий сайд Шинзо
Абэ эрс зэмлэн буруушаажээ. "Бид уй
гашууг мэдэрч байна. Шри-Ланкагийн Засгийн газар, олон улсын хамтын
нийгэмлэгүүдтэй хамтран бид олон улсын терроризмтай тууштай тэмцэх болно”
хэмээн түүний мэдэгдсэнийг “NHK” телевиз иш татан мэдээлсэн байна.
Шри-Ланкад болсон дэлбэрэлтийн улмаас 260 гаруй хүн амиа алдаж, 400 гаруй
хүн бэртжээ.