Монголд анх удаа 24 орны хүүхдийн зургийн үзэсгэлэн гарч байна

МОНГОЛЫН МЭДЭЭ | СОЁЛ УРЛАГ
183@montsame.mn
2019-05-07 18:47:22

Улаанбаатар /МОНЦАМЭ/. Ази Номхон далайн бүсийн хэмжээнд болдог Энникки Фестиваль зургийн уралдаанд шилдгээр шалгарсан 24 орны хүүхдийн зургийн үзэсгэлэн Монголд анх удаа Монголын Урлан бүтээх төвийн “Орд арт” галерейд нээлээ.

Хоёр жил тутамд зохион байгуулдаг энэхүү уралдаанд Монголын хүүхдүүд 1993 оноос хойш идэвхтэй оролцож ирсэн юм. Энэхүү зургийн уралдаан хэл соёл, зан заншлын өвөрмөц онцлог ялгаатай Азийн хүүхдүүд өөрсдийн зурсан зургаар дэлхийн хүүхдүүдтэй танилцах, аз жаргалтай мөчүүдээ хуваалцах боломжийг олгодог чухал ач холбогдолтой гэдгийг зохион байгуулагчид нь онцолж байлаа.

Үзэсгэлэнд 24 орны 6-11 насны хүүхдийн 120 орчим бүтээлийг дэлгэжээ. Манай улсаас Говьсүмбэр аймгийн 2 дугаар сургуулийн сурагч Э.Хулангийн бүтээл тус уралдааны шилдгээр шалгарсан байна.

Үзэсгэлэн Монголын Урлан бүтээх төвийн “Орд арт” галерейд энэ сарын 13  хүртэл гарч, дараа нь нийслэлийн лаборатори 14 сургууль, Хүүхдийн ордон, Монген цогцолбор сургуульд мөн дэлгэх юм. 

Холбоотой мэдээ