Бүс нутгийн аюулгүй байдлын талаарх Засгийн газрын бодлогыг танилцуулав

МОНГОЛЫН МЭДЭЭ | УЛС ТӨР
ariunbold@montsame.gov.mn
2019-05-13 13:09:19

Улаанбаатар /МОНЦАМЭ/. Монгол Улсын Ерөнхий сайдын Гадаад бодлогын  зөвлөх Б.Мөнхжин Азийн Хамтын ажиллагааны яриа хэлэлцээний Сайд нарын 16 дугаар бага хуралд оролцлоо.


Тэрээр Монгол Улсын байр суурийг илэрхийлж хэлсэн үгэндээ бүс нутгийн аюулгүй байдал, хамтын ажиллагааны чиглэлээр Засгийн газраас баримталж буй бодлого, үйл ажиллагааг танилцуулж, улс орнууд эдийн засгийн өсөлтийг илүү тогтвортой, хүртээмжтэй болгох чиглэлээр хамтран ажиллахын чухлыг тэмдэглэв. 


Өнгөрсөн сарын 30-наас энэ сарын 02-нд Катар Улсын Доха хотоо болсон энэ хурлаас улс орнуудыг цаашид улам нягт хамтран ажиллаж, хамтдаа хөгжихийг уриалан Дохагийн тунхаглалыг баталлаа.  Дараагийн хурлыг Бүгд Найрамдах Турк Улс зохион байгуулахаар болсон байна.


Азийн хамтын ажиллагааны яриа хэлэлцээний /Asia Cooperation Dialogue/  байгууллага нь 2002 онд байгуулагдсан бөгөөд Азийн 33 улсыг нэгтгэсэн, бүс нутгийн хамтын ажиллагааны чухал платформ болон хөгжиж байна.

Холбоотой мэдээ