Хатгал тосгоноос 13 настай хүү алга болжээ

Орон нутагт | Хөвсгөл
gantuyaB@montsame.mn
2019-05-16 13:52:44

Хөвсгөл /МОНЦАМЭ/. Хөвсгөл аймгийн Алаг-Эрдэнэ сумын 6 дугаар багийн Хатгал тосгоны 2 дугаар хороонд иргэн О-гийн 13 настай эрэгтэй А энэ сарын 14-ний өдрийн 17 цагийн орчим гэрээсээ гараад одоо болтол сураггүй байна. 

Өчигдөр тус аймгийн Онцгой байдлын газрын Хатгал тосгон дахь Гал түймэр унтраах, аврах 69 дүгээр ангийн 12 алба хаагч, Хатгал тосгоны захирагчийн ажлын албаны 6 албан хаагч, ар гэрийн 5 хүн, нийт 23 хүн, 5 автомашин, 6 мотоциклтойгоор Хатгал тосгоны төв, Далай-Ээжийн босго, Эгийн голын эрэг дагуу, Хасгийн хаяа, Харгана, Нүхэн, Бэрхмиш, Жанчив толгой зэрэг газраар нийт 50 км-ийн тойрогт эрлийн ажиллагааг зохион байгуулсан боловч үр дүнд хүрээгүй байна.

Өнөөдөр  өглөөний 8 цагт эрэн хайх ажиллагааг хоёр дахь өдрөө зохион байгуулж байна. 

Холбоотой мэдээ