Улаанбаатар
БНАСАУ руу шатахуун экспортлохоо зогсоохыг уриалжээ
ДЭЛХИЙН МЭДЭЭ | ЭДИЙН ЗАСАГ
ВАШИНГТОН. /CNN/. БНАСАУ руу шатахуун экспортлохоо нэн даруй
зогсоохыг АНУ, Япон, Герман, Франц тэргүүтэй 20 гаруй орон олон улсад уриалсан
байна.
НҮБ-ын Аюулгүй
Зөвлөлийн Хориг арга хэмжээний асуудал хариуцсан хороонд өргөн барьсан тайланд
дурдсанаар, БНАСАУ НҮБ-ын хоригийг зөрчиж, заасан хэмжээнээс илүү хэмжээний
шатахуун импортолж байгаа ажээ. Хориг арга хэмжээнд БНАСАУ-ыг жилд 500 мянган торх шатахуун
импортлохыг зөвшөөрсөн байна.
БНАСАУ-ын шатахууны импортод тавьсан хоригийн хэрэгжилт маш муу байгаа бол нүүрс, төмрийн хүдрийн хориг харьцангуй сайн хэрэгжиж байна гэж уг мэдээлэлд ойр эх сурвалж мэдээлжээ. АНУ-ын Ерөнхийлөгч Дональд Трамп Ким Жөн Унаас "маш халуун дулаан, сайхан захидал” хүлээн авсан хэмээн мэдэгдсэний дараахан дээрх мэдээлэл гарчээ.
