Улаанбаатар
Шилдэг оюутнууд “Эрдэнэт үйлдвэр” ТӨҮГ-т урилгаар ажиллана
ОРОН НУТГИЙН МЭДЭЭ | ОРХОН
Орхон /МОНЦАМЭ/ “Эрдэнэт үйлдвэр”ТӨҮГ-ын дэргэдэх, Ш.Отгонбилэгийн нэрэмжит Технологийн их сургуулийн төгсөлтийн баяр боллоо. Энэ жил тус сургуулийг таван мэргэжлээр бакалавр зэрэгтэй 44, магистрын зэрэгтэй 22 оюутан төгсөж байна. Мөн ТИС-ийг 3.2 онооны голчоос дээш дүнтэй амжилттай суралцсан зургаан төгсөгч “Эрдэнэт үйлдвэр” ТӨҮГ-т урилгаар ажиллах батламжаа гардан авлаа.
“Эрдэнэт үйлдвэр” ТӨҮГ-ын дарга
Х.Бадамсүрэн ““Эрдэнэт үйлдвэр”-ийг барьж байгуулахаас
эхлээд үйлдвэрт төр засаг онцгой анхаарч ирсэн түүхтэй. Тухайлбал, өнгөрөгч
зургаадугаар сарын 5-нд Засгийн газраас “Эрдэнэт үйлдвэр”-ийн ирээдүйг тодорхой
болгож өргөн цар хүрээтэй үйл ажиллагаа явуулах, үйлдвэрийн
хүрээнд хэрэгжүүлэх томоохон төслүүдийг цаг алдалгүй хэрэгжүүлэх боломж
олгосон. Эдгээр төсөл хэрэгжсэнээр 1000 орчим ажлын байр шинээр бий
болно. Тиймээс “Эрдэнэт үйлдвэр”-ийн хэтийн төлөв тодорхой байгаа цаг үед
үйлдвэрт ажиллах батламжаа гардаж авсан залуучууддаа баяр хүргэж, ажил
хөдөлмөрт нь өндөр амжилт хүсэн ерөөе” гэсэн юм.
