Ерөнхийлөгч Х.Баттулгад НАСА-ын дарга Ж.Брайданстан бараалхав
МОНГОЛЫН МЭДЭЭ | УЛС ТӨРУлаанбаатар /МОНЦАМЭ/. Монгол Улсын Ерөнхийлөгч Х.Баттулгыг өнөөдөр АНУ-ын Сансар судлал ба сансрын удирдлагын газар буюу НАСА-д зочлох үеэр тус газрын дарга Ж.Брайданстан бараалхлаа.
Энэ үеэр Монгол Улсын Ерөнхийлөгч Х.Баттулга 1981 оны гуравдугаар сарын 22-нд Монгол Улсын иргэн Ж.Гүррагчаа Союз хөлгөөр сансарт ниссэн түүхэн үйл явдлыг дурсан ярьж, монгол эмэгтэйг сансрын нисэгчээр НАСА-д сургах, хамтран ажиллах хүсэлтэй буйгаа илэрхийлсэн юм. Мөн одон орон, геофизикийн чиглэлээр НАСА-тай хамтран ажиллах өргөн боломжтой гэдгийг онцлоод ноён Ж.Брайданстаныг Монгол Улсад зочлохыг урив.