Насанд хүрэгчдийн шатрын тэмцээн боллоо
ОРОН НУТГИЙН МЭДЭЭ | УВСУвс /МОНЦАМЭ/. Шатрын спортын мастер Б.Цэцэг агсны нэрэмжит насанд хүрэгчдийн шатрын нээлттэй тэмцээн энэ сарын 17-18-ны өдөр Улаангом хотноо боллоо.
Тус тэмцээний эрэгтэйд 1-р байрыг Цогцолбор 1-р сургуулийн багш Ц.Цэдэвсүрэн, 2-р байрыг мөн сургуулийн М.Дэлгэрдалай, 3-р байрыг шатрын спортын дэд мастер М.Дамиран нар эзэлсэн байна. Харин эмэгтэйчүүдээс 1-р байрыг “Ойрад” театрын уран бүтээлч Ж.Алтанцэцэг, 2-р байрыг шатрын спортын дэд мастер Б.Энэрэл, 3-р байрыг Цогцолбор 1-р сургуулийн багш Л.Наранцэцэг нар тус тус эзэлжээ.
Энэхүү тэмцээнийг Б.Цэцэг
агсны үр хүүхдүүд болон "Самбуу Итгэл" сангаас
жил бүр ивээн тэтгэж явуулдаг байна.