“Токио-2020”-д өмсөх тамирчдын хувцас тодорч эхлэв
МОНГОЛЫН МЭДЭЭ | СПОРТУлаанбаатар /МОНЦАМЭ/. “Токио-2020” зуны олимпын наадамд оролцох Монголын үндэсний шигшээ багийн тамирчдын спортын хувцасны загварын сонгон шалгаруулалтад Michel&Amazonka брэнд түрүүлжээ.
Монголын үндэсний шигшээ багийн Токиогийн олимпын наадамд өмсөх ёслолын болон спортын хувцас, дагалдах хэрэгслийн загвар сонгон шалгаруулах уралдааныг БСШУСЯ-наас зарласан бөгөөд эхнээсээ дүн нь ийнхүү гарч эхэлжээ.
Нийтдээ 13 төрлийн хувцас байгаа бөгөөд тэдний наймыг нь Michel&Amazonka, тавыг Японы алдарт Мизүно брэндээр хийлгэхээр болсон байна. Michel&Amazonka нь 2013 оноос үйл ажиллагаагаа явуулж буй Монголын хувцас загварын брэнд компани юм. Харин олимпын нээлтийн ёслолд өмсөх хувцасны шалгаруулалтын дүн хараахан гараагүй байна.