Хүүхдийн спортын VI наадмын шигшээ тэмцээнүүд эхэллээ
МОНГОЛЫН МЭДЭЭ | СПОРТУлаанбаатар /МОНЦАМЭ/. Монголын хүүхдийн спортын VI наадмын шигшээ тоглолтууд спортын 34 төрлөөр Улаанбаатар хотын 22 байршилд болж шилдгүүдээ тодруулж эхэллээ.
Энэ сарын 7-15-ны өдрүүдэд явагдах уг наадамд 21 аймаг, 9 дүүргийн 834
сургууль, 546 спорт клубын 5949 /давхардсан
тоогоор/
өсвөрийн тамирчин,
498 багш дасгалжуулагч оролцож байгаа юм.
Хүүхдийн спортын VI наадмын эхний өдөр волейбол, хүндийн өргөлтийн тэмцээнүүд эхэлсэн. Энэ өдөр хүндийн өргөлтийн шигшээ тэмцээн СТО-д болж охидын төрлийн медалийн эзэд нь
тодорлоо. Тухайлбал, охидын
36 кг-д Өвөрхангай аймгийн тамирчин Ж.Шийлэг 64 кг өргөж аваргын алтан медаль хүртсэн бол
Хөвсгөл аймгийн Б.Энхдалай
/62 кг өргөсөн/, БЗД-ийн О.Буянжаргал /55 кг өргөсөн/ нар мөнгө, хүрэл медалийн эзэд болов.
Харин охидын 40 кг-д Дархан-Уул аймгийн тамирчин Б.Отгонтуул 78 кг өргөж алтан медалийн эзэн болов. Мөнгө, хүрэл медалийг Өвөрхангай аймгийн О.Хишигцогзол /74 кг өргөсөн/, Хөвсгөл аймгийн А.Анхбаяр /63 кг өргөсөн/ нар тус тус хүртлээ.
Тус наадмын волейболын тэмцээний охидын тоглолт ОБЕГ-н “Аврагч” спорт хорооны зааланд болж байгаа бол хөвгүүд “MJ” спорт зааланд явагдаж байна. Өсвөрийн волейболчдын шилдэг багууд энэ сарын 14-ний өдөр тодорч, алт, мөнгө, хүрэл медалиа зүүнэ.