Манай хөлбөмбөгчид 10 дугаар сард Японд очиж тоглоно
МОНГОЛЫН МЭДЭЭ | СПОРТУлаанбаатар /МОНЦАМЭ/. Хөлбөмбөгийн 2022 оны ДАШТ, 2023 оны ААШТ-ий урьдчилсан шатны "F" хэсэгт багтсан Монголын үндэсний шигшээ баг 10 дугаар сарын 10-нд Японы Сайтама цэнгэлдэх хүрээлэнд /17:35 цагаас/ Японы багтай тоглоно.
Харин 10 дугаар сарын 15-нд МХБХ-ны цэнгэлдэх хүрээлэнд /16:00 цагаас/ Киргизийн шигшээ багтай тоглох юм. Монголын хөлбөмбөгийн үндэсний шигшээ баг энэ сард эхний тоглолтоо Мьянмарын шигшээ багтай хийж 1:0-ээр хожиж ДАШТ, Азийн АШТ-ий урьдчилсан шатны анхны хожлоо авсан билээ.
ДАШТ-ий урьдчилсан шатны хоёр дахь тоглолтоо чансаагаар 68 байраар урд байгаа Тажикстаны шигшээ багтай хийж, 0:1-ээр ялагдал хүлээсэн юм.