В.Путин АНЭУ-д айлчилна

Дэлхийд | Улс төр
ayanzaya@montsame.gov.mn
2019-10-15 10:22:49

МОСКВА. /TASS/. ОХУ-ын Ерөнхийлөгч Владимир Путин АНЭУ-д төрийн айлчлал хийнэ. ОХУ-ын Төрийн тэргүүний туслах Юрий Ушаковын мэдэгдсэнээр, Абу-Дабид болох өндөр дээд хэмжээний уг яриа хэлэлцээний үеэр талууд эдийн засгийн хамтын ажиллагааны асуудал хийгээд бүс нутаг тэр дундаа Сири дэх нөхцөл байдлын асуудлыг хэлэлцэх аж. 


“Угсаа залгамжлах хунтайжтай хийх яриа хэлэлцээний үеэр худалдаа эдийн засаг, хөрөнгө оруулалтын салбарт талуудын хамтын ажиллагааг цаашид өргөжүүлэх асуудлуудыг хэлэлцэхээр төлөвлөж байна. Түүнчлэн олон улс хийгээд бүс нутагт тулгамдсан асуудлаар санал бодлоо солилцох төлөвтэй байна” хэмээн мэдэгдэлд дурдсан байна.


Айлчлалын хөтөлбөрт ОХУ, АНЭУ-ын бизнес эрхлэгчдийг оролцуулсан В.Путин, угсаа залгамжлах хунтайж нарын хамтарсан уулзалтыг тусгажээ. 

Холбоотой мэдээ