Улаанбаатар
Сургуулийнхаа эрчим хүчний 30 хувийг нарны эрчим хүчээр шийджээ
ОРОН НУТГИЙН МЭДЭЭ | ОРХОН
Орхон /МОНЦАМЭ/ Нарнаас эрчим хүч үйлдвэрлэж хэрэглэгчдийг цахилгаанаар
хангадаг, илүүдэл эрчим хүчийг сүлжээ рүү шилжүүлдэг, наргүй үед автоматаар
сүлжээнээс эрчим хүчээ авдаг On-grid системийг нэвтрүүлснээр гурван сарын
хугацаанд 300 гаруй мянган төгрөгийн эрчим хүч үйлдвэрлэжээ. Энэ төслийг
Шагдарын Отгонбилэгийн нэрэмжит Технологийн сургуулийн Эрчим хүч мэдээллийн
технологийн тэнхимийн дэд профессор Б.Хээрийнбаатар санаачилжээ.
Тус төслийн хүрээнд хийсэн “Нарны судалгааны лаборатори”-ийн нээлтийн үйл ажиллагаа боллоо. Азийн хөгжлийн банкны санхүүжилтээр Дээд боловсролыг дэмжих төрийн
бодлого хэрэгжиж байгаа таатай нөхцөл бүрдсэн энэ үед Ш.Отгонбилэгийн нэрэмжит
Технологийн сургуулийн Оюутны байрны цахилгаан хэрэглээний эх үүсвэрийг
Сэргээгдэх эрчим хүчний нарны фото үүсгүүр бүхий эрчим хүчээр хангах
төслийг хэрэгжүүлээд байгаа нь энэ юм.
Төслийн багийнхан өнгөрөгч зургаадугаар сарын 28-нд 5 кВт
цагийн эрчим хүч үйлдвэрлэдэг нарныхаа станцын 50 хувийг ашиглалтад оруулснаар өнөөдрийн байдлаар 300 гаруй мянган төгрөгийн эрчим хүч үйлдвэрлэж
сургуулийнхаа хэрэгцээнд нийлүүлжээ.
Ухаалаг инвертерийн тусламжтайгаар гар утсандаа бүх
мэдээллийг авч, оюутнууд судалгааны ажил хийхэд бүрэн боломжтой болжээ. ШУТИС-ийн хэмжээнд анх удаагаа Нарны судалгааны лабораторитой болсноор
эрчим хүч хэмнэж, Технологийн сургуулийнхаа эрчим хүчний 30 гаруй хувийг нараар
шийдэж байна.
“Цаашид Эрдэнэт үйлдвэрийн алслагдсан байршилтай газруудад
гэрэлтүүлгийг энэ системээр хангахаар төлөвлөсөн ажлууд олон бий” гэж төслийг
санаачлагч ярьж байна.
Ингэснээр уламжлалт эрчим хүчнээс илүү Сэргээгдэх эрчим хүч
рүү дэлхий нийтээр түрэн орж ирж байгаа энэ үед оновчтой, ухаалаг шийдэл бүхий
энэхүү төсөл өргөжих боломжтой юм.
