БНХАУ-аас Монгол Улсад суугаа Элчин сайдын яам мэдэгдэл гаргалаа

Монгол Улсын тухай | Нийгэм
khandmaa@montsame.gov.mn
2019-10-30 16:21:10

Улаанбаатар. /МОНЦАМЭ/. БНХАУ-ын 800 орчим иргэнийг саатуулсан явдалтай холбогдуулж БНХАУ-аас Монгол Улсад суугаа Элчин сайдын яамнаас мэдэгдэл гаргалаа.


Мэдэгдэлд:

 “2019 оны аравдугаар сарын 30-ны өдөр манай элчин сайдын яаманд Монголын цагдаагийн байгууллагаас Хятад улсын харьяат иргэд Монгол Улсад цахим гэмт хэрэг холбогдсон талаар мэдэгдсэн. Монгол Улсын цагдаагийн байгууллага эл хэрэгт хуулийн дагуу зохих арга хэмжээг авч байгаа ба одоогийн байдлаар мөрдөн байцаалт, мэдүүлэг авах шатандаа явагдаж байна. Хятад, Монгол хоёр тал хууль сахиулах, аюулгүй байдлын салбарын хамтын ажиллагааны арга замууд нь нээлттэй байгаа ба талууд энэ хэрэг дээр нягт хамтран ажиллаж байна. Уг хэрэг хуулийн дагуу шийдэгдэнэ гэдэгт найдаж байна. БНХАУ-аас Монгол Улсад суух Элчин сайдын яам уг хэрэгт цаашид анхаарлаа хандуулсаар байх бөгөөд Монголын талын холбогдох байгууллагуудтай нягт хамтран ажиллах болно” гэжээ.