Ерөнхий сайд танхимаа бүрдүүлдэг байхыг дэмжжээ

Монголын мэдээ | Улс төр
ariunbold@montsame.mn
2019-11-06 07:52:09

Улаанбаатар /МОНЦАМЭ/ Монгол Улсын Үндсэн хуульд нэмэлт, өөрчлөлт оруулах, Ард нийтийн санал асуулга явуулах тухай асуудлаар зөвшилцөх, судлах ажлын баг өчигдөр буюу энэ сарын 5-нд хуралджээ.


Ажлын багийн хуралдаанаар Монгол Улсын Үндсэн хуульд оруулах нэмэлт, өөрчлөлтийн төсөлд АН-аас ирүүлсэн гурван саналаас Монгол Улсын Ерөнхий сайд танхимаа өөрөө бүрдүүлдэг байхыг зарчмын хувьд дэмжсэн байна. Харин бусад саналыг нээлттэй үлдээж, цаашид намын бүлэг, зөвлөлөөр дахин ярилцсаны үндсэн дээр зөвшилцлийг үргэлжлүүлэхээр тохирчээ.


Уг ажлын багийг УИХ дахь МАН-ын бүлгийн дарга Д.Тогтохсүрэн ахалж байгаа бол дэд ахлагчаар УИХ-ын гишүүн З.Нарантуяа ажиллаж байна. Харин гишүүдээр УИХ-ын гишүүн С.Бямбацогт, Х.Нямбаатар, Д.Эрдэнэбат, Б.Пүрэвдорж, Ж.Батзандан, Ц.Нямдорж, Л.Оюун-Эрдэнэ, Монгол Улсын Ерөнхийлөгчийн Тамгын газрын дарга З.Энхболд, Нарийн бичгийн даргаар УИХ-ын Тамгын газрын Хууль, эрх зүйн хэлтсийн дарга Э.Түвшинжаргал ажиллаж байгаа юм.  


Холбоотой мэдээ