Улаанбаатар
ЕХ-ны гишүүн орнууд БНАСАУ пуужин харвасныг зэмлэн буруушаажээ
ДЭЛХИЙН МЭДЭЭ | УЛС ТӨР
ТОКИО.
/NHK/. НҮБ-ын Аюулгүйн Зөвлөл дэх Европын гишүүд БНАСАУ баллистик пуужин харвасныг зэмлэн буруушааж, хамтарсан мэдэгдэл гаргажээ.
БНАСАУ өнгөрсөн сарын
28-нд Японы тэнгист хоёр баллистик пуужин харвасантай холбоотойгоор Аюулгүйн
зөвлөл өнгөрсөн лхагва гарагт хаалттай хуралдаан явуулжээ.
БНАСАУ баллистик
пуужингийн туршилт явуулсаар байгааг зэмлэн буруушаахын сацуу иймэрхүү өдөөн
хатгалга нь НҮБ-ын Аюулгүйн Зөвлөлийн тогтоолыг илт зөрчиж буй явдал юм хэмээн
уг мэдэгдэлд дурдсан байна.
Түүнчлэн гишүүд АНУ-тай
Солонгосын хойгийг цөмийн зэвсгээс ангижруулахад чиглэсэн үр дүнтэй яриа
хэлэлцээ хийхийг БНАСАУ-д уриалжээ.
БНАСАУ баллистик пуужин
харвасан нь НҮБ-ын тогтоолыг зөрчсөн явдал юм хэмээн Аюулгүйн Зөвлөлийн дийлэнх
гишүүд мэдэгдээд байгаа хэдий ч АНУ-ын Ерөнхийлөгч Дональд Трампын засаг
захиргаа БНАСАУ-ын эрх баригчидтай яриа хэлэлцээ хийхийг зорьж байгаатай холбоотойгоор
зөвлөл нэгдмэл байр суурьт хүрч чадаагүй байна.
Энэ оны эцэс гэхэд талуудын яриа
хэлэлцээнд үүсээд буй мухардлаас гарах төлөвлөгөөг боловсруулахыг БНАСАУ АНУ-ын эрх
баригчдад уриалсаар байгаа юм.
Холбоотой мэдээ
