Web of Science санд бүртгэлтэй бүтээлийн тоогоор МУИС тэргүүлж байна
МОНГОЛЫН МЭДЭЭ | БОЛОВСРОЛУлаанбаатар /МОНЦАМЭ/. Монгол Улсын төрийн өмчийн их, дээд сургууль, эрдэм шинжилгээний байгууллагуудын Web of Science мэдээллийн системд бүртгэлтэй мэргэжлийн сэтгүүлд сүүлийн 5 жил хэвлүүлсэн өгүүллийн тоо, h5 индексээр МУИС үндэсний хэмжээнд тэргүүлж байна.
МУИС-ийн эрдмийн хамт олон судалгааны хамрах хүрээ, түвшнээр шинжлэх ухаан, эрдэм мэдлэгийн ертөнцөд баттай байр суурь эзлэн, дэлхийн нийтийн шинжлэх ухааны ололт амжилт, хөгжилд хувь нэмрээ оруулахын төлөө ажиллаж байна.
Тус стратегийн зорилгын
хүрээнд судалгааны хамрах хүрээг өргөжүүлж дэлхийн түвшинд хүргэхэд
чиглэсэн үндсэн үйл ажиллагааны нэг нь олон улсын Web of Science
мэдээллийн санд бүртгэлтэй SCI (Sciences Citation Index), SSCI (Social Sciences
Citation Index), AHCI (Arts & Humanities Citation
Index) индекстэй мэргэжлийн сэтгүүлд эрдмийн ажлын үр
дүнгээ хэвлүүлдэг эрдэмтэн, судлаачдыг урамшуулан алдаршуулах ёслолыг 2012-2013 оны хичээлийн жилээс эхлэн 7 дахь жилдээ
тэмдэглэж үндэсний хэмжээнд жишиг соёл болгон түгээн дэлгэрүүлж байна.
Энэ жилийн үйл ажиллагаанд
АНУ-ын “Clarivate Analytics” компанийн БНХАУ-ын Бээжин дэх салбарын Web of
Science группийн удирдлага, мэргэжилтэн уригдан оролцож
Монгол Улсын болон МУИС-ийн эрдэмтэн, судлаачдыг чадавхжуулах сургалт семинарыг
зохион байгуулжээ. Мөн Web of Science мэдээллийн санд бүртгэлтэй мэргэжлийн
сэтгүүлд Монгол Улсын болон МУИС-ийн хэвлүүлсэн судалгааны бүтээлийн чанар,
судлаачдын чансааг дэлхийн түвшинд үнэлсэн эшлэлийн тайланг жил бүр танилцуулдаг
байна.
Тус компани нь эрдэм шинжилгээний
JCR (Journal Citation Report) индекстэй олон
улсын мэргэжлийн сэтгүүлийн санг бүрдүүлэн импакт факторт нь анализ хийдэг,
түүнийг нь үндэслэн дэлхийн томоохон их сургуулиуд, эрдэм шинжилгээний
хүрээлэнгүүдийн түвшинг үнэлэн гаргадаг ба одоогоор 4000 гаруй ажилтантай
дэлхийн 40 гаруй оронд салбартай. МУИС энэхүү компанитай эрдэмтэн судлаачдыг
чадавхжуулах, олон улсын судалгааны платформуудыг үнэ төлбөргүй ашиглуулах, дотоодын
эрдэм шинжилгээний сэтгүүлийг Web of Science санд
бүртгүүлэх чиглэлээр 2014 оноос хойш хамтран ажиллаж иржээ. Энэ хамтын
ажиллагаагаа дүгнэж “МУИС-ийн эрдэм
судлалыг дэмжигч шилдэг түнш” өргөмжлөлийг Clarivate Analytics
компанид гардуулсан байна.
Монгол Улсын төрийн өмчийн их, дээд сургууль, эрдэм шинжилгээний байгууллагуудын Web of Science мэдээллийн системд бүртгэлтэй мэргэжлийн сэтгүүлд сүүлийн 5 жил хэвлүүлсэн өгүүллийн тоо, h5 индексээр МУИС үндэсний хэмжээнд тэргүүлж байна.
МУИС-ийн тэргүүлэх 10 судалгааны чиглэл, өгүүллийн тоогоор
Web of Science санд өгүүлэл хэвлүүлсэн МУИС-ийн тэргүүлэх
багш, судлаачид
BAYARTOGTOKH B |
52 |
5.6 |
CHULUUNBAATAR O |
51 |
5.5 |
KHUUKHENKHUU G |
39 |
4.2 |
BOLDGIV B |
38 |
4.1 |
BATKHUU J |
29 |
3.1 |
ODSUREN M |
26 |
2.8 |
ENKHBAT R |
25 |
2.7 |
BATBOLD T |
21 |
2.3 |
NACHIN B |
15 |
1.6 |
ZHANLAV T |
15 |
1.6 |
Эх
сурвалж: webofknowledge.com, 2019-12-16-ны
байдлаар
Clarivate Analytics компанийн Web of Science группийн 2019 оны эшлэлийн тайлангаар МУИС-ийн судлаачдын бүтээлийг АНУ, БНХАУ, Герман, ОХУ, Япон, Англи, Франц, Канад, Өмнөд Солонгос зэрэг дэлхийн 150 орчим орны 5000 гаруй байгууллагын эрдэмтэн, судлаач эшлэл авсан нь МУИС дэлхийн хэмжээнд академик нөлөө өндөр болохыг харуулж байна.
МУИС Web of Science санд индекстэй
мэргэжлийн сэтгүүлд эрдмийн ажлын үр дүнгээ хэвлүүлсэн эрдэмтэн судлаачдыг
нэгдүгээр зохиогч, холбоо баригч зохиогч, олон өгүүлэл хэвлүүлсэн зохиогч,
өгүүлэл хэвлүүлсэн зохиогч гэсэн 4 төрлийн номинациар шалгаруулж урамшуулдаг. Иймд
судлаачдын тоо жилээс жилд өсөж 2018-2019 оны хичээлийн жилд нийт 103 эрдэмтэн,
судлаач судалгааны үр дүнгээ хэвлүүлсэн амжилт үзүүллээ.
Мөн тус сургуулийн Шинжлэх ухааны сургуулийн
профессор Б.Болдгив нь олон улсын хэмжээнд нэр хүнд бүхий өндөр импакт
фактортой Nature, Science, Cell зэрэг эрдэм шинжилгээний сэтгүүлд бүтээлээ
хэвлүүлж байгаа нь МУИС-ийн эрдэмтэн, судлаачдын бүтээлийн тоо өсөхийн зэрэгцээ
чанарын үзүүлэлт ч олон улсын хэмжээнд үнэлэгдэж буйн баталгаа болж байна.
2018-2019 оны хичээлийн жилд Web of Science-ийн мэргэжлийн сэтгүүлд өгүүлэл хэвлүүлсэн судлаачид
МУИС болон Clarivate Analytics компанийн цаашдын
хамтын ажиллагаа нь Монгол Улсын Засгийн
газрын 2018 оны 282 дугаар тогтоолоор баталсан “Судалгаанд суурилсан их
сургуулийг хөгжүүлэх үндэсний хөтөлбөр”-ийг хэрэгжүүлэхэд стратегийн ач холбогдолтой хамтын ажиллагаа байж
улмаар Монголын их дээд сургууль, эрдэм шинжилгээний байгууллагуудын олон улсын
хэмжээнд үнэлэгдэх үнэлэмжийг өсгөхөд чухал ач холбогдолтой юм.
Тус
хамтын ажиллагаа нь Монголын болон МУИС-ийн эрдэмтэн, судлаачдын олон
улсын судалгааны платформуудыг үр дүнтэй ашиглах, судалгааны чанар, түвшнийг
дэлхийн түвшинд хүргэхэд чиглэсэн сургалт, мэргэжлийн зөвөлгөө өгөх, хүний
нөөцийг чадавхжуулах, эрдэм шинжилгээний сэтгүүлийн чанарыг сайжруулан Web of
Science санд бүртгүүлэх зэрэг олон
чиглэлээр идэвхтэй хамтран ажиллахад МУИС түүчээ болон манлайлж Азийн тэргүүлэх
их сургуулиудын эгнээнд Монголын их дээд сургуулиуд зэрэгцэн ороход чухал нөлөө
үзүүлэх стратегийн ач холбогдолтой хамтын ажиллагааны үндсэн суурь байх болно
хэмээн дүгнэж байна.