Д.Трамп: Худалдааны хэлэлцээрийн эхний хэсэг бэлэн болно
ДЭЛХИЙН МЭДЭЭ | УЛС ТӨРВАШИНГТОН. /TASS/.
Худалдааны маргааныг зохицуулах тухай АНУ, БНХАУ-ын
хэлэлцээрийн эхний шатны асуудлаар хэдхэн долоо хоногийн дотор эцсийн байдлаар
тохиролцоонд хүрэх гэж байна хэмээн АНУ-ын Ерөнхийлөгч Дональд Трамп сэтгүүлчдэд
мэдэгджээ.
Энэ сарын 15-нд БНХАУ-ын бараа бүтээгдэхүүнд ногдуулах гаалийн татварыг
нэмэгдүүлэх хугацааг тодорхойгүй хугацаагаар хойшлуулахыг Д.Трамп зөвшөөрсөн
тухай АНУ-ын Худалдааны төлөөлөгч Роберт Лайтхайзер өмнө нь мэдэгдсэн юм. Хэлэлцээрт 1 дүгээр сарын эхээр хоёр улсын худалдааны төлөөлөгчид гарын үсэг
зурах бөгөөд талууд тохиролцоонд хүрснээр БНХАУ-д нийлүүлэх АНУ-ын импортын
хэмжээ нэмэгдэж, худалдааны алдагдлын хэмжээ буурах боломжтой юм хэмээн тэрбээр
дурдсан байна.