Цэвэрлэх байгууламжийн хаягдал бохир усны цэвэршилт 46 хувь байна

Орон нутагт | Ховд
lkhagwa@montsame.gov.mn
2020-01-14 16:31:14

Ховд /МОНЦАМЭ/. Ховд аймгийн Жаргалант сумын Төв цэвэрлэх байгууламжийн хаягдал бохир усны хяналт-шинжилгээг сар бүр зохион байгуулдаг.  

Ингэхдээ цэвэрлэх байгууламжийн хаягдал бохир усны орох, гарах хоёр цэгээс усны сорьц /дээж/ авч улмаар шинжилгээ хийдэг аж.

Энэ удаагийн шинжилгээний үр дүнд цэвэрлэх байгууламжаас гарч байгаа хаягдал бохир ус нь 46 хувийн цэвэршилттэй байна гэх дүгнэлт гарсан гэж Ховд аймгийн УЦУОШТ-ийн Байгаль орчны шинжилгээний лабораторийн мэргэжилтнүүд мэдээллээ.

Тус цэвэрлэх байгууламж нь бохир усыг механик, халдваргүйжүүлэх, байгалийн, биологийн гээд нийт дөрвөн дамжлагаар цэвэрлэдэг.

Хоногт 3400-3800 м куб бохир усыг цэвэрлэх хүчин чадалтай аж. 

Холбоотой мэдээ