Азийн боксчид олимпын эрхийн төлөө Амман хотод хүчээ сорино

МОНГОЛЫН МЭДЭЭ | СПОРТ
dusem11@yahoo.com
2020-01-25 11:01:59

Улаанбаатар /МОНЦАМЭ/. Ази, Номхон далайн орнуудын боксчдод “Токио-2020” олимпын эрх олгох тэмцээнийг гуравдугаар сарын 3-11-нд Йорданы нийслэл Амман хотод зохион байгуулахаар болов.


Уг тэмцээнийг Хятадын Ухань хотноо зохион явуулах байсан боловч коронавирусний тархалтаас болж цуцласан юм. Арабын тэмцээнээр хөнгөн жинд эхний 6, дунд жинд эхний 5, хүнд эхний 4 байр эзэлсэн тамирчдад “Токио-2020” олимпын рингэнд тулалдах эрх олгоно.


Харин Амманд азгүйтсэн боксчид тавдугаар сард Парис хотноо цугларч, олимпын үлдсэн эрхийн төлөө тулалдах юм байна.


Монголын боксчид 1972,1976, 1980, 1988, 1992, 1996, 2000, 2004, 2008, 2012, 2016 оны олимпын наадамд нийт 11 удаа хүчээ сорьж нэг алт, 2 мөнгө, 4 хүрэл медаль хүртсэн түүхтэй.

Холбоотой мэдээ