Их аварга Какүрюү, Озэки Такакейшо нар уналаа
МОНГОЛЫН МЭДЭЭ | СПОРТУлаанбаатар /МОНЦАМЭ/. Осака хотноо болсон мэргэжлийн сумо бөхийн Хару башёгийн 2 дахь өдөр 69 дэх Их аварга Хакүхо М.Даваажаргал, Дайэйшог /Магаэшира-1/ сукуинаге мэхээр давлаа.
Харин 71 дэх Их аварга Какүрюү М.Ананд энэ өдөр Комүсүби Хокүтофүжид окуритаоши мэхээр унаж 1 даваа, 1 унаатай болов. Энэ башёгийн ганц Озэки цолтон Такакейшо, Окиноүмид Уватэнаге мэхээр унаж нэг даваа, нэг унаатай болсон бол Сэкиваке Шодай, Такаясүг сукуинаге мэхээр давж 2 дахь даваагаа авлаа.
Мөн энэ өдөр Сэкиваке Асанояма, Токушёорюүг уватедашинаге мэхээр унагаснаар хоёр даваатай болов. Макүүчи зиндааны хамгийн бага жинтэй сумоч Энхотой /М-4/ энэ өдөр Рюүдэн /М-5/ таарч шитатэнаге мэхээр ойчсоноор тэдний даваа унаа тэнцээд байна.
Монгол сумочдоос Тамаваши Б.Мөнх-Оргил /М-7/, Кирибаяама Б.Лхагвасүрэнтэй таарч нутгийн дүүд окуридаши мэхээр унасан бол Азүмарюү /М-16/ С.Тодбилэг, Цуругишёод /М-15/ ёрикири мэхээр ойчиж тэдний унаа, даваа нэг нэг болов.
Хаврын буюу Хару башёгийн барилдаан 15 өдрийн турш сумогийн ордондоо үзэгчгүй
болох юм.