“Формула-1”-ийн зам дээр түр эмнэлэг байгуулна
ДЭЛХИЙН МЭДЭЭ | ЭРҮҮЛ МЭНДМЕХИКО. /РИА Новости/. 1963
оноос хойш “Формула-1” уралдаан явагдаж буй ах дүү Родригесийн нэрэмжит
автодром буюу тусгай замыг СОVID-19 өвчний халдвар авсан хүмүүст зориулан түр
эмнэлэг болгон ашиглана. Энэ тухай Мексик улсын Нийгмийн халамжийн хүрээлэн /IMSS/
мэдээллээ.
Мэдээлэлд дурдсанаар, түр эмнэлэгт нийт 218 ор
байрлуулахаас 26-ыг нь эрчимт эмчилгээнд ашиглах ба өвчин нь илааршиж буй
хүмүүст зориулан тус бүр нь 24 ор бүхий 8 эмнэлгийн хэсгийг /модуль/ байгуулах ажээ.
Б
үс нутгийн хэмжээнд Мехико хотод
хамгийн олон хүн коронавирусний халдвар аваад байгаа бөгөөд одоогийн байдлаар
1894 хүн СОVID-19-ээр өвчилжээ. Эрүүл мэндийн яамны мэдээллээр, цар тахлын
оргил үеийн дараах 10-15 хоногт эмнэлгүүдийн ачаалал дээд цэгтээ хүрэхээр
байна. Энэ өдрүүдэд Мехикод хэвтэн эмчлүүлэх хүмүүсийн тоо 1800-д хүрч магадгүй
хэмээн тус яам тооцоолжээ.
Мексик улсад 2 дугаар сарын 28-нд
хамгийн анх коронавирусний халдварыг илрүүлснээс хойш 23 471 халдварын тохиолдол бүртгэгдээд байна. Нас барсан хүмүүсийн тоо
2154 /өдөрт 93 хүн/-д хүрчээ.
Халдварын оргил үе 5 дугаар сарын
6-нд тохиох ба үүний дараа өвчлөл буурна гэж Эрүүл мэндийн яам тооцоолжээ. Хөл
хорио тогтоох шийдвэр Мексик улсад энэ сарын 30-ны өдөр хүртэл үйлчлэх боловч
өвчлөл багатай бүс нутгуудад 18-ны өдрөөс эхлэн хөл хориог үе шаттайгаар цуцалж
магадгүй байна.