Улаанбаатар
Ойрын өдрүүдэд ихэнх нутгаар бороо орно
МОНГОЛЫН МЭДЭЭ | БАЙГАЛЬ ОРЧИН
Улаанбаатар /МОНЦАМЭ/. Хэнтий, Дорнодын нутгаар өнөө маргаашдаа дуу цахилгаантай усархаг аадар бороо орох тул болзошгүй үер ус, мөндөр, нөөлөг салхины аюулаас сэрэмжтэй байхыг Цаг уур, орчны шинжилгээний газраас онцгойлон анхаарууллаа.
2020 оны 8 дугаар сарын
29-нөөс 9 дүгээр сарын 2-ныг хүртэлх цаг агаарын урьдчилсан төлөв танилцуулж
байна. Энэ сарын 29-нд баруун болон төвийн аймгуудын нутгийн зарим газар,
говийн аймгуудын нутгийн өмнөд, зүүн аймгуудын нутгийн зүүн хэсгээр, 30-нд
баруун аймгуудын нутгийн зарим газар, төв болон зүүн аймгуудын ихэнх нутаг,
говийн аймгуудын нутгийн зүүн хэсгээр, 31-нд төвийн аймгуудын ихэнх нутаг,
баруун болон зүүн аймгуудын нутгийн хойд хэсгээр, 9-р сарын 1-нд төв болон зүүн
аймгуудын нутгийн зарим газраар бороо орно. Салхи ихэнх хугацаанд секундэд 6-11
метр, борооны өмнө түр зуур ширүүснэ. Алтай, Хангай, Хөвсгөл, Хэнтэйн уулархаг
нутаг, Хүрэнбэлчир орчим, Байдраг, Идэр, Тэс, Тэрэлж голын хөндийгөөр шөнөдөө 1
градус хүйтнээс 4 градус дулаан, өдөртөө 11-16 градус, говийн бүс нутгийн өмнөд
хэсгээр шөнөдөө 12-17 градус, өдөртөө 23-28 градус, бусад нутгаар шөнөдөө 6-11
градус, өдөртөө 15-20 градус дулаан байна.
