Улаанбаатар
Он гарсаар 1865 хүний амийг авран хамгаалжээ
МОНГОЛЫН МЭДЭЭ | НИЙГЭМ
Улаанбаатар /МОНЦАМЭ/. Энэ оны эхний найман сарын байдлаар, улсын хэмжээнд нийт 3268 удаагийн гамшиг, аюулт үзэгдэл, ослын тохиолдол бүртгэгджээ. Үүний улмаас 194 хүн амь насаа алдаж, 357 хүн гэмтэж бэртэн, 80466 толгой мал, амьтан хорогдож, 22.8 сая төгрөгийн шууд хохирол учирчээ.
Дээрх аюулт үзэгдэл, ослоос Онцгой байдлын байгууллагын алба хаагчид 1865 хүний амь нас, төр, байгууллага, ААН, иргэдийн 97,3 тэрбум төгрөгийн өмч хөрөнгийг авран хамгаалжээ.
Ослын 85 хувь нь хүний буруутай үйлдлээс үүдсэн байна.
Харин гамшигтай тэмцэх, хор уршгийг арилгах ажилд Онцгой байдлын байгууллага болон орон нутгаас 255 сая төгрөгийг зарцуулжээ. Нийт тохиолдсон аюулт үзэгдэл, ослын 85 хувь буюу 2743 нь хүний буруутай үйл ажиллагаанаас, 11 хувь буюу 382 нь биологийн гаралтай аюулт үзэгдэл, 3 хувь буюу 106 нь нь ус, цаг уурын гаралтай, 1 хувь буюу 37 нь геологийн гаралтай холбоотой осол тус тус эзэлж байна гэж ОБЕГ-аас мэдээллээ.
