Бүтээл туурвил эхлэхэд сайн

Монголын мэдээ | Лавлагаа
ulzii@montsame.mn
2020-09-26 08:37:48

Улаанбаатар /МОНЦАМЭ/. Өнөөдөр аргын тооллын 2020 оны есдүгээр сарын 26. Бямба гараг. Билгийн тооллын XVII жарны "Хотолыг баригч" хэмээх Шороон хулгана жилийн намрын дунд хөхөгчин тахиа сарын Билгийн тооллын шинийн 10. Санчир гараг. Элдэв тэнгэртэн одтой, таван шар мэнгэтэй  хар бич өдөр.

 

Барилдлага: Шид

Шүтэн барилдлага: Төрөн түгэхүй

Суудал: Гал

 

Өдрийн наран 6 цаг 45 минутад мандан, 18 цаг 42 минутад жаргана. Тухайн өдөр луу жилтнээ аливаа үйлийг хийхэд эерэг сайн ба гахай, луу жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй.

 

Эл өдөр буян номын үйлд шамдах, бүтээл туурвил эхлэх, худалдаа арилжаа хийх, бизнес эрхлэх, зэрэг дэвших, сүм дуганыг сэргээх, бүжиг наадам хийх, цэцэрлэг байгуулах, урлан бүтээхэд сайн.

 

Хувцас эсгэх, шинэ хувцас өмсөх, зөвлөгөө хийх, гөлөг тэжээхэд муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод зүүн урагш мөрөө гаргавал зохистой. Үс шинээр үргээлгэх буюу засуулбал эрч хүч ихсэнэ хэмээжээ.

Холбоотой мэдээ