Архивын лавлагааг цахимаар олгож эхэллээ
ОРОН НУТГИЙН МЭДЭЭ | БАЯН-ӨЛГИЙБаян-Өлгий /МОНЦАМЭ/. Баян-Өлгий аймгийн ЗДТГ-ын Архивын тасаг энэ сарын
17-ны өдрөөс үйлчилгээгээ цахимаар үзүүлж эхэллээ.
Орон даяар бүх нийтийн бэлэн байдлын зэрэгт шилжүүлсэнтэй холбогдуулан
аймгийн Архивын тасаг богиносгосон цагийн хуваарийн дагуу буюу өдөрт 5 цагаар
ажиллаж байна. Гэхдээ хүн хүлээж авахгүй, иргэдийн архивын лавлагаа хүссэн өргөдлийг bayanulgiiarkhiv@gmail.com хаягаар
хүлээж авна.
«Бид аль болох ард иргэдэд туслах, бөөгнөрөл үүсгэхгүй байхыг хичээж байна.
Холбогдох лавлагааг төрлөөс нь хамааран 1-7 хоногийн дотор өргөдлийн дарааллаар
гаргаж, тухайн иргэнд цахим хаягаар болон утсаар мэдэгдэнэ. Хөдөө сумдын
иргэдийн лавлагааг шуудангаар харьяа сумын ЗДТГ-т хүргүүлэхээр ажиллаж байна»
хэмээн Архивын тасгийн дарга Б.Досжан хэллээ.