Улаанбаатар
УИХ-ын чуулганы нэгдсэн хуралдаан эхэллээ
МОНГОЛЫН МЭДЭЭ | УЛС ТӨР
Улаанбаатар /МОНЦАМЭ/. УИХ-ын чуулганы өнөөдрийн хуралдаан 10.10 цагт эхэллээ. Чуулганаар, гурван хуулийн төсөл хэлэлцэхээр төлөвлөснийг УИХ-дарга Г.Занданшатар танилцуулав.
Хэлэлцэх асуудлын жагсаалттай холобгдуулан УИХ-ын гишүүн С.Бямбацогт, Гадаадын иргэний эрх зүйн байдлын тухай хуулийн төслийг өргөн бариад багагүй хугацаа өнгөрсөн гэдгийг онцоллоо. Хэдийгээр намрын чуулганы хэлэлцэх асуудлын жагсаалтад уг хуулийн төсөл багтсан ч амжиж хэлэлцэхгүй байх магадлалтай тул өнөөдрийн чуулганаар хэлэлцэх горимын санал гаргав. Уг хуулийн төсөл батлагдсанаар гадаадын иргэдийн виз олгох үйл ажиллагаа хялбаршиж, олон маргааныг цэгцлэх ач холбогдолтой гэдгийг тэмдэглэв.
Гишүүний гаргасан горимын саналтай холбогдуулан санал хураахад хуралдаанд оролцсон гишүүдийн олонх дэмжсэнээр хэлэлцэх асуудлын жагсаалтын хоёрдугаарт оруулахаар болов.
Ингээд чуулганаар УИХ-ын гишүүн Б.Бат-Эрдэнэ, Л.Энх-Амгалан нарын өргөн мэдүүлсэн Хүмүүнлэг боловсролыг дэмжих тухай хуулийг төслийг хэлэлцэж байна.
