Коронавирусийг 10 секундийн дотор оношилдог төхөөрөмж бүтээжээ

ДЭЛХИЙД | ЭРҮҮЛ МЭНД
Jargal.d@montsame.mn
2021-01-05 14:12:54

AНКАРА. /Аnadolu/. Туркийн эрдэмтэд коронавирусний халдварыг 10 секундийн дотор оношилдог төхөөрөмж бүтээсэн тухай Билькентийн их сургуулийн цахим хуудсанд мэдээлжээ.


“Diagnovir” гэж нэрлэсэн уг төхөөрөмж РCR шинжилгээнээс ялгаатай нь сорьцыг олшруулах бус оптикийн дэвшилтэт аргыг ашиглан вирус байгаа эсэхийг илрүүлдэг байна. 


Вирусийг илрүүлэхийн тулд амны хөндийн салстаас дээж авч, тусгай уусмалаар хольсныхоо дараа төхөөрөмжид байрлуулдаг байна. Хамрын хөндийгөөс биш амны хөндийгөөс сорьц авахад л хангалттай тул энэхүү төхөөрөмж хэрэглэхэд илүү хялбар гэнэ. 


Эмнэлзүйн өмнөх судалгаануудаар төхөөрөмж коронавирусийг илрүүлэхэд 99 хувийн үр дүн үзүүлжээ. Эрдэмтэд төхөөрөмжөө олноор нь үйлдвэрлэхээр төлөвлөж байгаагаас гадна, зөвхөн коронавирус төдийгүй бусад вирусийг илрүүлдэг болгох гэж байгаа аж.


Холбоотой мэдээ