Улаанбаатар
НҮБ-ын ХАА-г хөгжүүлэх олон улсын сангийн уулзалтад оролцов
МОНГОЛЫН МЭДЭЭ | БАЙГАЛЬ ОРЧИН
Улаанбаатар /МОНЦАМЭ/. НҮБ-ын Хөдөө аж ахуйг хөгжүүлэх олон улсын сан (IFAD)-ийн Удирдах зөвлөлийн 44 дүгээр уулзалт энэ сарын 17-18-нд цахимаар боллоо. Уулзалтад ХХААХҮ-ийн сайд З.Мэндсайхан, сайдын зөвлөх Н.Цэрэнбат, Гадаад хамтын ажиллагааны хэлтсийн дарга Б.Ганзориг нар оролцов.
Энэ жилийн уулзалтаар IFAD11 санхүүжилтийн жилийн тайлан, IFAD12 санхүүжилтийг зарцуулах төлөвлөгөө, 2019 оны санхүүгийн тайланд хийсэн дотоод аудитын хяналтын үр дүн зэрэг асуудлыг хэлэлцлээ.
Түүнчлэн НҮБ-ын ХААХОУС-гийн ерөнхийлөгчийн томилгоо, гүйцэтгэх зөвлөлийн гишүүд болон орлогч гишүүдийн сонгуулийг зохион байгуулав. НҮБ-ын ХААХОУС-ийн ерөнхийлөгчид Канадын Засгийн газраас одоогийн Ерөнхийлөгч Жилберт Хунгбог нэр дэвшүүлж, томиллоо.
