“Toyota” устөрөгчийн шинэ хөдөлгүүр бүтээж байна

Дэлхийд | Технологи
Jargal.d@montsame.mn
2021-04-22 14:58:38

ТОКИО. /TASS/. Японы автомашин үйлдвэрлэгч томоохон компани болох “Toyota Motor” хүлэмжийн хийн ялгарлыг бууруулах санаачилгын хүрээнд устөрөгчийн шинэ хөдөлгүүр бүтээж байгаагаа мэдэгджээ.


Шинэ турбо хөдөлгүүр нь 1.6 литрийн багтаамжтай гурван цилиндртэй байх аж. Уг хөдөлгүүр нь устөрөгчийг шатаах замаар ажиллах бөгөөд түлш шахах, нийлүүлэх шинэчлэн сайжруулсан систем суурилна. Ийм хөдөлгүүр нь ажиллах зарчмын хувьд бензин хөдөлгүүртэй төстэй боловч хөдөлгүүрийн тос бага зарцуулдаг тул ямар ч утаа ялгаруулахгүй гэнэ.


Үүнээс гадна, устөрөгчийн шатах үйл явц нь бензин хөдөлгүүртэй харьцуулахад илүү хурдан бөгөөд энэ нь машины динамик чанарт эерэг нөлөө үзүүлэх аж. “Toyota” компани шинэ хөдөлгүүрээ Шизуоко мужийн автомашины уралдааны зам дээр тавдугаар сард туршихаар төлөвлөжээ.


"Toyota" компани нь устөрөгчийн хөдөлгүүр бүтээх туршлагатай. Тус компани устөрөгчийн хөдөлгүүрт “Mirai” загварын анхны автомашинаа 2014 онд танилцуулсан билээ. 

Холбоотой мэдээ