Эрдэнэбулган, Өлзийт сумын голомтод эцсийн халдваргүйжүүлэлт хийжээ
ОРОН НУТГИЙН МЭДЭЭ | АРХАНГАЙАрхангай /МОНЦАМЭ/. Аймгийн ЗӨСТ-ийн голомтын эцсийн халдваргүйжүүлэлтийн 3-р баг Эрдэнэбулган, Өлзийт суманд бүртгэгдсэн коронавирусний халдварын батлагдсан тохиолдлын тархвар судлаач эмчийн тогтоосон маршрутын дагуу голомтод эцсийн халдваргүйжүүлэлт энэ сарын 19, 20-ны өдрүүдэд хийж дуусгажээ.
Халдваргүйжүүлэлтэд Эрдэнэбулган, Өлзийт сумын төрийн болон үйлчилгээний байгууллага, тусгаарлах байр, орон сууц, хувийн байшин, гэр, машин, мотоцикл зэрэг 33 объектын 1563 метр квадрат талбайг хамруулсан байна.