Улаанхус сумын 3 иргэнээс коронавирусний халдвар илэрлээ
ОРОН НУТГИЙН МЭДЭЭ | БАЯН-ӨЛГИЙБаян-Өлгий
/МОНЦАМЭ/. Баян-Өлгий аймагт өнгөрсөн 24 цагийн дотор коронавирусний халдварын
3 тохиолдол илэрч, нийт бүртгэгдсэн тохиолдлын тоо 44 боллоо.
Аймгийн Молекул,
биологийн лабораторид тухайн хугацаанд ойрын хавьтлын 23, бусад 76 хүнд PCR шинжилгээ хийжээ. Шинжилгээгээр Улаанхус сумын голомтын ойрын харьцагч 3
иргэнээс халдвар илэрсэн байна. Одоогоор тус голомтод 35 ойрын харьцагч байгаа бөгөөд үүнээс 12 иргэний шинжилгээний
хариу хүлээгдэж байна.
Өнөөдрийн байдлаар
аймгийн Ковидын эмнэлэгт 29 хүн /үүнээс хүүхэд 11/, гэртээ 1 иргэн тус тус
эмчлүүлж байгаа. Өвчилсөн хүмүүсээс 3 хүний биеийн байдал хүндэвтэр, 27 хүний
биеийн байдал хөнгөн байгаа аж.