"Токио-2020" паралимпын эргэн тойрны сонин

МОНГОЛЫН МЭДЭЭ | СПОРТ
dusem11@yahoo.com
2021-08-26 12:14:44

Токио /МОНЦАМЭ/. "Токио- 2020" Паралимпын XVI наадмын тэмцээн уралдаанууд өнөөдөр 2 дахь өдрөө үргэлжилж байгаа бөгөөд паралимпын эргэн тойрны онцлох зарим мэдээг сонирхуулж байна.


-Өнөөдрийн мэдээлэлд тамирчдын хотхоноос корона вирусийн халдварын 2 тохиолдол бүртгэгдэж нийт 15 хүн болоод байна.

-Монголын баг тамирчдын хувьд бүгд эрүүл саруул, эрч хүчтэй бэлтгэл сургуулилтаа базааж, уралдаан тэмцээндээ амжилт гаргахаар хичээж байгаа. Маргааш буюу 8 дугаар сарын 27-нд пара жүдо бөхийн эрэгтэйчүүдийн 60 кг жинд С.Ядамдорж, 66 кг-д А.Мөнхбат, байт харвааны төрлөөр Н.Мөнхбаатар, Д.Сэлэнгээ /эмэгтэй/ нар хурд, хүч, ур чадвараа сорин өрсөлдөнө. 

-Өнөөдөр спортын 9 төрөл явагдаж байна. Усанд сэлэлтийн японы алдарт тамирчин Томита Үчюүд чөлөөт сэлэлтийн 400 м, эрвээхэй сэлэлтийн 100 метрт түрүүлэх ихээхэн найдлагатай гэж Японы хэвлэлүүд бичиж байна.


-Хүндийн өргөлт /пауэрлифтинг/-ийн эрэгтэйчүүдийн 49 кг-д Миүра Хироши өрсөлдөх юм. 2012 оны Лондонгийн олимпын наадамд 9-д, 2016 оны Риогийн олимпт 5-д орж байсан бол энэ удаа медаль авах найдлагатай тамирчны нэгээр зарлагдаж байна.

-Дугуйн C3 төрлийн 3000 метрийн уралдаанд Фүжида Масаки тамирчин оролцох бөгөөд Бээжин, Лондон, Риогийн олимпын наадмаас медаль авч байсан юм байна. Түүнийг алтан медаль авах найдвартай тамирчны нэг гэж байгаа юм.




Н.Базарсүрэн






Холбоотой мэдээ