Улаанбаатар
Стокхолмын Азийн кино наадамд Монголын уран бүтээлчид анх удаа оролцож байна
МОНГОЛЫН МЭДЭЭ | СОЁЛ УРЛАГ
Улаанбаатар /МОНЦАМЭ/. Стокхолм хотноо жил бүр уламжлал болон зохион байгуулдаг “Азийн кино наадам” буюу “Asiatiska filmfestivalen” энэ жил 9 дүгээр сарын 28-нд Стокхолмын Гранд театрт болно.
Энэхүү кино наадамд Монголын “Шилүүс”, “Бүсгүй”, “Алтан судал” гэсэн гурван кино анх удаа оролцохоор болжээ. Швед дэх ЭСЯ-наас кино наадмыг зохион байгуулагчидтай 2020 оноос мэдээлэл, санал солилцон хамтран ажиллаж, Монголын кино уран бүтээлүүдийг оролцуулах саналыг тавьж, хамтран ажиллажээ. Энэ удаагийн кино наадамд оролцох уран бүтээлүүдийг зохион байгуулагчид сонгож, уран бүтээлчидтэй нь холбогдон ажилласан байна.
Швед дэх ЭСЯ-наас кино наадмын үеэр Монгол Улсын соёл
урлаг, аялал жуулчлалыг танилцуулах зарим ажлыг зохион байгуулахаар Шведийн
Asiatiska filmfestivalen байгууллагатай хамтран ажиллаж байна.
Кино наадам 10 дугаар сарын 3-ныг дуустал Стокхолм хотод, 10 дугаар сарыг дуустал бусад хотод үргэлжилнэ.
