Улаанбаатар
МЗХ-ны Үндэсний залуучуудын зөвлөл хуралдана
МОНГОЛЫН МЭДЭЭ | НИЙГЭМ
Улаанбаатар /МОНЦАМЭ/. Монголын залуучуудын холбоо (МЗХ)-ны Үндэсний залуучуудын зөвлөлийн хурал энэ сарын 29-нд болно.
Уг хурлаар хэлэлцэх асуудлын талаар өнөөдөр тус холбооны 5 дэд ерөнхийлөгч, Нарийн бичгийн дарга нар хэвлэлийн хурал хийлээ.
Үндэсний зөвлөлийн хурлаар МЗХ-ны ерөнхийлөгчийг чөлөөлж, томилох, Үндсэн дүрмийг өөрчлөх тухай болон тус холбоонд үүсээд буй нөхцөл байдлыг хэлэлцэх аж. Энэ талаар Удирдах зөвлөлийн Нарийн бичгийн дарга Г.Батбаатар, “МЗХ 8 жил Үндсэн дүрмээ өөрчлөөгүй. Сүүлийн гурван сард үүсээд буй асуудал ч үндсэн дүрэмтэй холбоотой. Тиймээс дүрмээ өөрчилж Монголын залуучуудын эрх ашгийг хамгаалах бодитой үйл ажиллагааа явуулна” гэлээ.
Үндэсний залуучуудын зөвлөлд МЗХ-ны 21 аймаг, есөн дүүрэг дэх салбар, клубуудын 339 төлөөлөгч багтдаг байна.
Ц.Мөнх-Уяа
