Нөхөн сонгуулийн ирц 18 дугаар тойрогт 37.6, 28 дугаар тойрогт 40.7 хувьтай байна

МОНГОЛЫН МЭДЭЭ | УЛС ТӨР
munkhbaatar@montsame.gov.mn
2021-10-16 10:59:17
@s_munkhbaatar

Улаанбаатар /МОНЦАМЭ/. УИХ-ын нөхөн сонгуулийн ирц 11.00 цагийн байдлаар, 18 дугаар тойрогт 37.6 буюу 19 076 иргэн, 28 дугаар тойрогт 40.7 хувь буюу 46 287 иргэн саналаа өгчээ. 


Энэ сарын 10-нд болсон нөхөн сонгуулийн санал хураалтын ирц 18 дугаар тойрог буюу Хэнтий аймагт 37.04 хувь, 28 дугаар тойрог буюу Сонгинохайрхан дүүрэг 39.61 хувийн ирцтэй байсан. Тодруулбал, нийт 148 хэсгийн хорооноос Хэнтий аймагт 16, Сонгинохайрхан дүүрэгт нэг хэсгийн хороонд ирц 50+1 хувийг давсан бол бусад хэсэгт бага үзүүлэлттэй байлаа. Иймд нөхөн сонгуулийн нэмэлт санал хураалтыг зохион байгуулах болсон юм. Өнөөдрийн нэмэлт санал хураалтаар ирц хүрээгүй хэсгийн сонгууль өгөөгүй иргэдийн саналыг авч байна. 


Нөхөн сонгуулийн нэмэлт санал хураалт өнөөдөр 07.00 цагт эхэлсэн бөгөөд 22.00 цаг хүртэл үргэлжилнэ.


Доорх хүснэгтэд ирцийн мэдээг шууд дамжуулж байна.


Холбоотой мэдээ