Улаанбаатар
Их аварга Тэрүнофүжи Кюүшү башёг 10 даваатай тэргүүлж байна
МОНГОЛЫН МЭДЭЭ | СПОРТ
Улаанбаатар /МОНЦАМЭ/. Японы мэргэжлийн сумо бөхийн Кюүшү башёгийн 10 дахь өдрийн барилдаанд 73 дахь Их аварга Тэрүнофүжи Г.Ган-Эрдэнэ, Хошёорюү С.Бямбасүрэн /М-5/ -тэй учраа таарч, түүнийг кимэдаши мэхээр хаяж 10 даваатай энэ башёг ганцаараа тэргүүлж эхлэв.
Озэки Шодай энэ өдөр Такаясү
/М-5/-тэй барилдаж түүнийг ошидаши мэхээр хаяснаар 6 даваа унаатай болсон бол Озэки
Такакэйшо, Сэкиваке Мэйсейтэй хүч үзэж түүнд ошидаши мэхээр ойчиж 1 унаатай болсноор
9 даваатай Их аваргыг нэхэж явна.
Комүсүби Кирибаяама
Б.Лхагвасүрэн, Оношо /М-2/-той хүч үзэж, түүнийг цүкиотоши мэхээр давж 7 унаа,
3 даваатай болов.
Энэ өдөр Комүсүби Ичиножёо
А.Ичинноров, Мёогирюү /М-3/ барилдан түүнийг окүридаши мэхээр давж адилхан 4
даваа, 6 унаатай байна.
Чиёошома Г.Мөнхсайхан
/М-7/-тай Эндо /М-4/-той учраа таарч түүнийг сүсохарай мэхээр давж 4 унаа, 6 даваатай
байгаа бол Тамаваши Б.Мөнх-Оргил /М-6/, Аойяама /М-9/-той хүч үзэж түүнийг цүкиодаши
мэхээр хаяж 8 даваа, 2 унаатай болов.
