Улаанбаатар
Их аварга Тэрүнофүжи Г.Ган-Эрдэнэ 13 даваатай башёг тэргүүлж байна
МОНГОЛЫН МЭДЭЭ | СПОРТ
Улаанбаатар /МОНЦАМЭ/. Японы мэргэжлийн сумо бөхийн Кюүшү башёгийн 13 дахь өдрийн барилдаанд 73 дахь их аварга Тэрүнофүжи Г.Ган-Эрдэнэ, Сэкиваке Митакэүмитэй учраа таарч, түүнийг ёрикири мэхээр хаяж башёг 13 даваатай тэргүүлсээр байна.
Озэки Шодай энэ өдөр Тамаваши Б.Мөнх-Оргил /М-6/-той барилдаж түүнийг ёрикири мэхээр давж 9 даваатай байгаа бол Озэки Такакэйшо, Аби /М-15/-тэй барилдаж түүнд ошидаши мэхээр унаж 11 даваа, 2 унаатай болов. Харин Аби 12 даваатай башёг тэргүүлэгчдийн 2 дугаарт бичигдээд байна.
Комүсүби Кирибаяама
Б.Лхагвасүрэн, Такарафүжитэй барилдаж түүнийг уватэнаге мэхээр хаяж, 5 даваа, 8
унаатай болов. Мөн Комүсүби Ичиножёо, энэ өдөр Ура /М-7/-тай барилдаж, түүнд катасүкаши
мэхээр унаснаар 5 даваа, 8 унаатай болов.
Энэ өдөр Хошёорюү С.Бямбасүрэн /М-5/, Вакатакакаге /М-1/-тэй таарч барилдан, түүнд ошидаши мэхээр ойчиж, 5 даваа, 8 унаатай боллоо. Харин Чиёошома Г.Мөнхсайхан
/М-7/, Саданоүми /М-16/-тэй учраа таарч түүнийг хатакикоми мэхээр давснаар 7
даваа, 6 унаатай явна.
