Улаанбаатар
Төв аймгийн засаг даргад Ж.Батжаргалын нэрийг дэвшүүлэв
ОРОН НУТГИЙН МЭДЭЭ | ТӨВ
Эхний товоосоо 11 хоног хойшилж, 7 сарын 19-ны мягмар гарагт болсон Төв аймгийн Иргэдийн төлөөлөгчдийн анхдугаар хуралдаанаар орон нутгийн шинэ удирдлагууд сонгогдлоо.
Нутгийн өөрөө удирдах ёсны байгууллагын даргаар Цэдэвдоржийн Энхбат, Засаг даргаар Жигжидийн Батжаргалыг сонгож, Монгол Улсын Ерөнхий сайдад уламжлахаар болов. өмнөх дөрвөн жилд Ц.Энхбат Төв аймгийн Засаг дарга, Ж. Батжаргал Иргэдийн хурлын даргын албыг хааж байсан юм.
Мөн ИТХ-ын тэргүүлэгчдээр МАН -ын Ц.Энхбат, Р.Болд, Б.Жаргалмаа, Д.Мөнхбаатар, Ц.Дашдэмбэрэл, Д.Батсуурь , Д.Ганбаяр, Т.Мөнхзориг, Ц.Жамбалсүрэн, Ж.Баттөгс, Б.Нямдорж нар, хороодын даргаар Ц.Жамбалсүрэн, Ж.Баттөгс, Б.Жаргалмаа,Ц.Даш, Р.Болд, Б.Батсуурь нар тус тус сонгогдсон байна. Шинэ танхимаас 35 суудал авч,олонх болсон МАН-ын бүлгийн даргаар Б.Жаргалмааг томилжээ.
Төв аймаг Ш.Шүрэнцэцэг
Холбоотой мэдээ
