Улаанбаатар
Тэрүнофүжи Г.Ган-Эрдэнэ 1 унаатай Митакэүмиг нэхэж явна
МОНГОЛЫН МЭДЭЭ | СПОРТ
Улаанбаатар /МОНЦАМЭ/. Японы мэргэжлийн сумо бөхийн 73 дахь Их аварга /Ёкозүна/
Тэрүнофүжи Г.Ган-Эрдэнэ, Токио хотноо үргэлжилж байгаа Хацү башёгийн 9 дэх өдрийн барилдаанд Хокүтофүжи
/М-4/-тэй учраа таарч барилдан түүнийг шитатэнагe мэхээр хаяснаар 8 даваатай
болов.
Энэ өдрийн барилдаанд Озэки Шодай, Комүсүби Мэйсейтэй барилдаж
түүнд мэхээр унаснаар 4 даваа, 5 унаатай башёг үргэлжлүүлж явна.
Хацү башёг нэг ч унаагүй тэргүүлж яваа Сэкиваке
Митакэүми, 9 дэх өдрийн барилдаанд Окиноүми /М-4/-той хүч үзэж түүнийг ёрикири
мэхээр хаяж, 9 даваатай энэ башёг тэргүүлсээр
байна.
Ичиножёо А.Ичинноров /М-2/, Ура /М-2/-тай барилдаж түүнийг ёрикири мэхээр хаяж 5 даваа, 4 унаатай Хацү башёг үргэлжлүүлж байна.
Тамаваши Б.Мөнх-Оргил /М-3/, Вакатакакаге /М-1/-тэй учраа
таарч барилдан түүнд ошидаши мэхээр унаснаар 6 даваа, 3 унаатай болов. Харин
Кирибаяма Б.Лхагвасүрэн /М-1/, Комүсүби Дайэйшёотой учраа таарч түүнийг ёрикири мэхээр хаяснаар 3 даваа, 6 унаатай башёг үргэлжлүүлж байна.
Энэ өдөр Чиёошома Г.Мөнхсайхан /М-5/, Шиманоүми/М-9/-тэй хүч
үзэж түүнийг катасүхаши мэхээр хаяж 4 даваа, 5 унаатай боллоо. Харин Хошёорюү
С.Бямбасүрэн /М-6/, Эндо /М-3/-той барилдан
түүнийг ошидаши мэхээр давснаар 6 даваа,
3 унаатай башёг амжилттай үргэлжлүүлж байна.
Холбоотой мэдээ
